Yr actores o Ferthyr Tudful Donna Edwards, cynhyrchiadau cyfredol Cwmni Arad Goch a Theatr Cymru ac arddangosfa Bôn.

Ffion Dafis a'i gwesteion yn trafod y byd celfyddydol yn ei holl amrywiaeth, a hynny yng Nghymru a thu hwnt.

Mae tymor rhaglenni BBC Cymru yn parhau ym Merthyr Tudful ac i gyd-fynd gyda hyn mae Ffion yn cael sgwrs gyda'r actores Donna Edwards sydd â'i gwreiddiau yn nwfn yn yr ardal.

Mae Ffion hefyd yn trafod cynhyrchiadau dau o'n prif gwmnïau theatr sydd ar daith ar hyn o bryd, sef Cwmni Arad Goch a Theatr Cymru.

Ac yna i gloi, mae'r artist Catrin Williams yn sgwrsio am arddangosfa arbennig gan griw o artistiaid ifanc yn Oriel Plas Glyn y Weddw, Llanbedrog.