Cymorth Cristnogol yn helpu ffermwyr Affrica

Pennaeth Cymorth Cristnogol Cymru, Mari McNeill sy'n sôn sut y mae apêl Wythnos Cymorth Cristnogol eleni yn helpu ffermwyr Burundi yn Affrica.

Hefyd, ar Benwythnos Cenedlaethol Melinau, John Dilwyn Williams ac Adrian Priest sy'n sgwrsio am Felin Rhyd Hir yn Efailnewydd ger Pwllheli - melin sy'n agor ei drysau i'r cyhoedd am y tro cyntaf y penwythnos hwn.

Mae'n ddeng mlynedd ers i dafarn y Glan Llyn a'r siop yng Nghlawddnewydd ger Rhuthun gael eu prynu, ac Eryl Williams sy'n sôn am eu pwysigrwydd i'r ardal gyfan.

Glesni Phillips o Hybu Cig Cymru â'r newyddion diweddaraf o'r martiau anifeiliaid, ac Ellen Llewellyn o dîm cynhyrchu rhaglen Ffermio ar S4C sy'n adolygu'r wasg.