Gŵyl Civilisations – Sut i gyfranogi

Croeso i Ŵyl Civilisations: partneriaeth gyffrous rhwng amgueddfeydd, llyfrgelloedd, galerïau ac archifau a’r BBC i gydfynd â darllediad cyfres Civilisations Celfyddydau y BBC yng Ngwanwyn 2018. Bydd yr Ŵyl – o Ddydd Gwener 2il o Fawrth i Ddydd Sul 11eg o Fawrth – yn arddangosiad o syniadau a digwyddiadau sydd wedi eu dylunio i ymgysylltu â chynulleidfa sydd yn ddiwylliannol chwilfrydig. Yma, cewch ddarganfod sut y gall eich sefydliad gymryd rhan yn y gweithgareddau arloesol ac amrywiol sydd wedi eu trefnu.

Erbyn hyn, mae bron i hanner canrif wedi mynd heibio ers i gyfres Civilisations Kenneth Clarke ddifyrru cynulleidfaoedd gyda’i dehongliad awdurdodol o’r gorau o gelf Gorllewinol. Gan gymryd ysbrydoliaeth gan y rhaglen arloesol honno, bydd y gyfres newydd o Civilisations ar BBC Two yn cyflwyno cenhedlaeth newydd i waith meistri celf o brydferthwch a dyfeisgarwch ar hyd a lled y cyfandiroedd. Bydd y gyfres hefyd yn gofyn cwestiynau am beth sydd yn gwneud gwareiddiad, a sut y mae syniadau gwahanol o wareiddiadau wedi atgyfnerthu syniadau a gwerthoedd diwylliannol.

Bydd Gŵyl Civilisations yn rhedeg ochr yn ochr â’r gyfres yng Ngwanwyn 2018. Rydym yn gwahodd ag amgueddfeydd, galerïau a llyfrgelloedd i amserlennu digwyddiadau er mwyn dechrau trafodaethau, ehangu dealltwriaeth a rhannu syniadau am beth a olygir gan y term gwareiddiad.

Rydym yn gweitho’n agos â phob cornel o’r BBC i ddweud straeon o’r digwyddiadau hyn a bydd radio lleol yn arbennig yn chwarae rôl hanfodol mewn dod â’r rhain i’w cynulleidfaoedd. Rydym hefyd yn gweithio mewn partneriaeth â Culture24 a fydd yn rhestru’r digwyddiadau hyn ar Museum Crush.

Mae cynnwys y digwyddiadau hyn yn rhywbeth i’ch sefydliad benderfynu. Gallai fod yn drafodaeth neu yn araith, yn berfformiad neu yn weithdy ymarferol gan ddefnyddio eitem o’ch casgliad fel pwynt cychwyn.

• Bydd brandio yn cael ei gynnwys felly cewch hysbysu eich ymwelwyr bod y digwyddiad yn rhan o Ŵyl Civilisations
• Bydd y digwyddiad yn cael ei restru ar Museum Crush
• Gall curadwyr a siaradwyr gael gwahoddiad i fod yn westeion ar raglenni’r BBC
• Mewn rhai achosion, gall gorsafoedd benderfynu cynnwys eich digwyddiad mewn darllediad allanol

Dyddiad yr ŵyl yw Dydd Gwener 2il o Fawrth i Ddydd Sul 11eg o Fawrth. Cofrestrwch fel partner Gŵyl Civilisations yma.
Unwaith i sefydliad ddod yn bartner Gŵyl Civilisations bydd ganddo fynediad i frandio, yn amodol ar delerau ac amodau, ac yn derbyn cylchlythyrau rheolaidd gyda’r newyddion diweddaraf ar yr ŵyl.

Nod yr ŵyl yw ymgysylltu cynulleidfa mor eang â phosib, a’r gobaith yw y bydd amgueddfeydd, galerïau, llyfrgelloedd ac archifau yn dod i’r amlwg fel y llefydd i ofyn y cwestiwn am hunaniaeth a gwareiddiad yn 2018.

Drwy weithio gydag adran Ymchwil a Datblygiad y BBC ‘rydym eisiau arbrofi gyda thechnoleg ddigidol i ddarganfod ffyrdd newydd o ddweud straeon ac ymgysylltu cynulleidfaoedd. Rydym yn cynnig y cyfle i sefydliadau ddefnyddio offer arloesol newydd ei ddatblygu a’i brofi ar blatfform BBC Taster, sydd wedi’i ddylunio i ehangu ffiniau digidol newydd.

Mae ap realiti estynedig (AR) yn cael ei ddatblygu gan y BBC a fydd yn caniatau i gynulleidfaoedd archwilio eitemau o’ch casgliadau gan ddefnyddio eu ffonau symudol a’u tabledi. Hoffwn gael eich help o ran awgrymiadau ar beth y dylwn gynnwys.

Bydd angen i’r amgueddfeydd greu fersiynau digidol o’r arteffactau gyda chymorth gan bartneriaid ar hyd y sector a’r BBC. Bydd angen darparu gwybodaeth a dogfennau i gydfynd â rhain hefyd, er mwyn gosod pob eitem yn ei chyd-destun. Bydd y rhain wedyn yn cael eu curadu o fewn yr ap, o gwmpas themâu er enghraifft, gyda’r gallu i’w gweld mewn cyd-destun byd go iawn, e.e. rhoi darluniau o ogof ar wal yn eich cartref i ganiatau i’r gynulleidfa archwilio, darganfod a dysgu rhagor.

Bydd cyfleoedd digidol eraill gan Ymchwil a Datblygiad y BBC yn cynnwys offer fideo rhyngweithiol 360, darlledu fideo byw rhad, a chynnwys wedi’i bersonoleiddio cysylltiedig â phartneriaeth yr Ŵyl. Bydd y rhain ar gael o Becyn Cymorth Ymchwil a Datblygiad a fydd ar gael o fis Medi. Cewch archwilio enghreifftiau o waith Ymchwil a Datblygiad ar bbc.co.uk/rd neu bbc.co.uk/taster.

Os oes gan eich sefydliad ddiddordeb mewn cymryd rhan yna cofrestrwch fel Partner Gŵyl Civilastions yma.

Bydd Civilisations yn archwilio diwylliant gweledol cymdeithasau ar hyd a lled y byd, gan ddatgelu ochr yn ochr â’r gwrthrychau gwych o’r Gorllewin, gyfoeth o drysorau eraill wedi eu creu gan ddiwylliannau eraill, o sgroliau tirlun Tseina clasurol a cherfluniau’r Olmecs i waith efydd o’r Affrig, printiau o Siapan a miniaturau Mughal.

Mae’n cael ei ffilmio o gwmpas y byd, yn Ewrop, Asia, yr Affrig a Chyfandiroedd America. Rydym erbyn hyn yn edrych ar gomisiynu episod arall o Civilisations a fydd yn cael ei siapio yn olygyddol gan sector amgueddfeydd Prydain, ac yn cynnwys deunyddiau gan gasgliadau yma yn y DU. Mae’r prosiect yn cael ei ddatblygu ar hyn o bryd.

Gwiriwch yn ôl yma am ragor o ddiweddariadau. Byddwn hefyd yn eich hysbysu pan fod gennym ragor o fanylion yn ein cylchlythyron rheolaidd. Cofrestrwch fel Partner Gŵyl Civilastions yma.