Hen Fenyw Fach Cydweli
Mae'r wythnosau diwethaf wedi bod yn rhai prysur. Serch hynny rwy'n ei chael hi'n anodd credu na roddwyd y sylw priodol i ddarn hynod o bwysig o ddeddfwriaeth Gymreig.
Os ydych chi'n hoff o gwpanau jeli bach mae gen i newyddion drwg. Tridiau sydd ar ôl cyn i'r Rheoliadau Bwyd (Jeli Cwpanau Bach) (Rheolaeth Frys) (Cymru) (Diwygio) 2010 ddod i rym! Mae'r gwaharddiad brys ar y losin yn barhaol felly!
Dyna biti, mae unrhywbeth sy'n cynnwys E400, E401, E402, E403, E404 , E405, E406, E407, E407(a), E410, E412, E413, E414, E415,E417, a/neu E418 yn swnio'n flasus i mi!
Ai hwn yw'r cymal gorau erioed mewn deddfwriaeth?
(2) Yn yr enw ac yn rheoliad 1 (enwi, cychwyn a chymhwyso) yn y testun Cymraeg yn lle "(Jeli Cwpan Fach)" rhodder "(Jeli Cwpanau Bach)".
Does dim geiriau!
Golygydd Materion Cymreig y BBC yn blogio'n rheolaidd ar faterion gwleidyddol Cymru.
