Ambell i Oracl
Fe wnes i ambell i broffwydoliaeth ynghylch yr Etholiad yng Nghymru mewn post Ddydd Llun. Mae'n ymddangos bod y firws wedi cydio gydag eraill yn ymuno yn y sbri.
Mae proffwydoliaethau Betsan yn fan hyn a rhai Martin Kettle o'r Guardian wedi eu cynnwys yn ei erthygl "Wales; a land lost to Labour".
Mae seffolegwyr Electoral Calculus hefyd wedi dweud eu dweud ar ol craffu ar ganlyniadau arolygon barn ac etholiadau diweddar. Yn adran "sedd wrth sedd" y gwefan mae'r safle'n darogan y canlyniad yma.
Llafur; 20
Ceidwadwyr;12
Plaid Cymru; 5
Dem.Rhydd. 2
Annibynol; 1
Fe fyddai'r canlyniad yna yn hanesyddol o wael i'w Lafur ond mae 'na waith i ddod. Dyw'r gwefan ddim wedi didoli'r seddi unigol eto ond dyma'r broffwydoliaeth ddiweddaraf yn seiliedig ar arwg barn YouGov.
Llafur; 14
Ceidwadwyr;18
Plaid Cymru; 5
Dem.Rhydd. 2
Annibynol; 1
Fedra i ddim meddwl am unrhyw adeg yn fy mywyd pan na fyswn wedi chwerthin ar ben y fath broffwydoliaeth. Ac eithio nawr, hynny yw.
Yn y cyfamser dal i gysgu ar y cledrau mae Llafur y Cynulliad gan boeni'n fwy am "enwebiadau Huw" a "gwendid Edwina ymhlith aelodau seneddol" na'r trychineb posib sydd o'u blaenau.
A fydd y ras i olynu Rhodri yn fater o ddeuddyn moel yn ymgiprys am grib?
Golygydd Materion Cymreig y BBC yn blogio'n rheolaidd ar faterion gwleidyddol Cymru.
SylwadauAnfon sylw
Dwi'n jynci am y math yma o gau-broffwydo, ond mae'n werth nodi'r geiriau isod gan un o'r rhai fu'n gwneud sylwadau ar wefan y Guardian am erthygl martin Kettle:
"having looked at the Electoral Calculus site, this prediction is NOT based on a Welsh poll, but extrapolates UK wide data to Wales. Such polls have a long and distinguished history of being farcically inaccurate. Looking at the data, EC have not even attempted to predict a Plaid share of the vote due to insufficient data, and have instead said that they will get exactly the same as in 2005!"
Ydi o'n iawn?
Mae 'na nifer o bethau'n mynd ymlaen yn fan hyn. Fe wnes i gynnwys y ddwy broffwydoliaeth gan EC oherwydd hynny. Fe nealltwriaeth i yw bod y broffwydoliaeth "sedd wrth sedd" yn ystyrlon ac mai "snapshot" yw'r llall. Mae proffwydo pleidlais Plaid Cymru yn rhyfeddol o anodd oherwydd ddiffyg data.
Fe wna i gyfaddefiad yn fan hyn. Ers degawd a mwy rwyf i ac eraill wedi bod yn curo'n pennau yn erbyn wal frics i geisio cael y BBC i gynnal arolygon barn ynghylch bwriadau pleidleisio yng Nghymru. Oni ddylai'r ddarlledwr cyhoeddus wneud yn iawn am fethiant y farchnad i ddarparu arolygon Cymreig?
"Wrth gwrs" yw'r ateb amlwg a syml yn fy marn i ac eraill o fy nghydweithwyr.
Nid yng nghoridorau BBC Cymru mae'r broblem. Ers i Newsnight wneud arolwg dodji mewn is-etholiad mae'r BBC wedi ein gwahardd rhag comisiynu arolygon ynghylch bwriadau pleidleisio. Mae effaith y penderfyniad hwnnw yng Nghymru wedi bod yn ddifrifol wael i newyddiaduraeth a'r lles cyhoeddus yn fy marn, llwyr bersonol, i.