Ceredigion- Lincs
Dwi wedi bod yn chwilio am safleoedd difyr yng Ngheredigion ac eithrio'r rhai amlwg fel safle arbennig y Llyf. Gen.
Dyma ddewis eclectig.
Mae darllen rhestr o gyn-lywyddion UMCA fel darllen "Who's who" o'r Gymru Gymraeg. Roedd bod yn llywydd UMCA ers talwm yn docyn mynediad i bethau mwy. Roedd ceisio am swydd yn Urdd y Myfyrwyr yn beth gwahanol!
Yn eisiau gan y Saeson- is lywydd
Un slei, llawn ddichellion
Hiliaeth, gay rights a Chile
Nid dy wlad- daw brad a bri.
Dwi ddim am enwi'r bardd na'i destun!
Mae'n bosib gwrando ar ddoniau cerddorol disgyblion Penweddig ar y we neu beth am ddathlu daucanmlwyddiant Aberaeron.
Cewch drotianyn Nhregaron. Dysgwch am hanes Castell Aberteifi a'r ymdrechion i'w achub.
O safbwynt gwleidyddiaeth ces i broblemau technegol ar safle Plaid Cymru. Efallai cewch chi well lwc. Mae safle'r Democratiaid Rhyddfrydol yn gweithio'n iawn. Mae'r Ceidwadwyr a'r Blaid Werdd yn blogio. Dwi wedi methu dod o hyd i safle'r Blaid Lafur yn y sir.
Wrth gwrs y lle gorau i fynd bob tro i wybod am Geredigion yw'r Cambrian News a safle "Lleol i mi" y BBC.
Golygydd Materion Cymreig y BBC yn blogio'n rheolaidd ar faterion gwleidyddol Cymru.
