Crichton airson nan Eilean Siar
Tha fios againn aig a' cheann thall cò an tagraiche a bhios aig na Làbaraich anns na h-Eileanan Siar an ath-bhliadhna. 'S e Dòmhnall Crichton, 40, às an Rubha, bràthair Thorcuil, deasaiche Westminster an Daily Record. Cuiream meal-an-naidheachd air Mgr Crichton, a chaidh a thaghadh air thoiseach air ceathrar eile, nam measg Rhoda Ghrànnd BPA, ball liosta na Gàidhealtachd 's nan Eiliean. Cha robh ach 687 bhòt eadar na Làbaraich agus an SNP ann an 2007, agus bidh muinntir a' phàrtaidh anns na h-Eileanan dòchasach gum faigh Mgr Crichton an sgìre air ais bho Alasdair Allan. Ach, smaoinich air seo. Ann an seataichean eile far a bheil na Làbaraich a' dèanamh oidhirp mhòr - leithid Taobh a Deas Ghlashu - tha tagraiche air a bhith aca fad greis mhòr mar-thà. Chan eil tòrr ùine aig Mgr Crichton gus mòr-chuid Alasdair Allan - ge beag sin - a ghearradh.
Is mise Niall O’Gallagher. Bidh mi a’ blogadh an seo mu chùisean poileataigeach ann an Alba.
BeachdanFàg beachd
Ma se seachdainn am fada ann an politcs se siorraidheachd a tha ann an sia miosan!
Tha Domhnall na bhall de Urras Steornabhagh agus ainithichidh a mhorr chuid e mar tha.
Eadar an coimeas aige mar dhuine agus na poileasaidhean ur aige se Domhnall an duine ceart airson na h-eileanan an iar.