Y nofel fuddugol a fi
Pnawn wrth fy modd yn sylwebu ar y seremoni yng nghwmni'r anghymharol Hywel Teifi Edwards.
Ac ar ôl dod allan o'r stiwdio pwy welais i ond enillydd y Fedal Ryddiaith, Sian Melangell.
"Gwenwch!" medda fi.
"Iawn," medda hi. "Gyda llaw, da chi yn y nofel!"
Wel, mi fydd rhaid i mi ei phrynu felly.
'Dwi eisoes wedi dechrau darllen cyfrol fuddugol Fflur Dafydd, ac yn ei mwynhau hi , er nad oes 'na ddim cyfeiriad ata i ynddi hi.
Ar wahân i Sian Melangell, fe lwyddais i dynnu llun Stifyn Parry, oedd yn edrych fel 'tae o wedi gwneud cynnig llwyddiannus i'r Steddfod i gynnal ei gynhyrchiad 'Stephen Parry meets Steven Sondheim' yn y Pafiliwn pinc.
Ac hefyd, un o'r beirniaid Manon Rhys, oedd ar frys i ddiflannu allan o'r llun.
Hanesion 